男性的弱點

【所謂人生重新開始，有時，只係另一場清倉拍賣】

男人好少知道自己鍾意咩，通常只係知道——

唔想返朝九晚五、唔想扮得好努力、唔想喺辦公室做私人嘢都要扮緊開會。

以為得咗個 title，就會有地位？點知第一日去片場，連杯水都冇人畀。阿姐拖住部茶水車經過，一杯都冇寫你個名。

職場無情，男人無助，四十未死，夢未盡。

從唔想跪低寫到點樣輸都唔肯走。

一字一句，都係男人喺城市入面撼牆、撞板、唔認輸嘅痕跡。

人生冇 guarantee，唯有寫低你係邊個，先有人當你係回事。